ദിനാഘോഷങ്ങള്‍

തിരുപ്പിറവി വിശേഷങ്ങളുമായി ക്രിസ്മസ് ആഘോഷം 

ഞങ്ങളുടെ വിദ്യാലയത്തിലെ ക്രിസ്മസ് ദിനാഘോഷം വൈവിധ്യമാര്‍ന്ന പരിപാടികളോടെ നടന്നു . ക്രിസ്മസ് ദിന പരിപാടികള്‍ക്ക് അതിയന്നൂര്‍ പഞ്ചായത്തിലെ ആദരണീയനായ മെമ്പര്‍ ശ്രീ കോടങ്ങാവിള വിജയകുമാര്‍ ഉദ്ഘാടനം കുറിച്ചു . 

 സ്നേഹത്തിന്‍റെ സന്ദേശം നല്‍കുന്ന ക്രിസ്മസ് ആഘോഷങ്ങള്‍ക്ക് വിദ്യാലയ പ്രവര്‍ത്തനങ്ങളില്‍ പ്രസക്തിയുണ്ടെന്ന് അദ്ദേഹം പറഞ്ഞു . വിദ്യാഭ്യാസ നവീകരണത്തിനും സാര്‍വര്ത്രികമാക്കുന്നതിനും തുടക്കം കുറിച്ചത് കൃസ്ത്യന്‍ മിഷനറിമാരാണ് . അവരുടെ സംഭാവനകള്‍ കേരളീയ സമൂഹത്തിന്റെ സാമൂഹ്യ പരിഷ്കരണ രംഗത്ത് വളരെയധികം മാറ്റങ്ങള്‍ക്കു സഹായകമായി എന്നും അദ്ദേഹം പറഞ്ഞു . ക്രിസ്തുവിന്റെ ലാളിത്യമാര്‍ന്ന ജീവിതവും അഴിമതിയ്ക്കും അനാചാരങ്ങള്‍ക്കും ദുര്‍ഭരണത്തിനും എതിരെയുള്ള പോരാട്ടങ്ങളും കൂട്ടുകാര്‍ മാതൃകയാക്കണമെന്നും അദ്ദേഹം ഓര്‍മ്മിപ്പിച്ചു . 

              കൂട്ടുകാര്‍ക്ക് കേക്ക് വിതരണവും അദ്ദേഹം നിര്‍വഹിച്ചു . വിവിധ കലാപരിപാടികള്‍ കുട്ടികളുടെ നേതൃത്വത്തില്‍ നടന്നു .

 ക്രിസ്മസ് അപ്പൂപ്പനായി വേഷമിട്ട മുതിര്‍ന്ന കൂട്ടുകാര്‍ ഏവര്‍ക്കും കൌതുകമായി .

 ക്രിസ്മസ് ട്രീ ഒരുക്കുന്നതിന് കൊച്ചു കൂട്ടുകാര്‍ പോലും പങ്കാളികളായി . 

             ക്ലാസ് റൂം പ്രവര്‍ത്തനങ്ങളായി ക്രിസ്മസ് സന്ദേശ രചന , കാര്‍ഡ് നിര്‍മ്മാണം തുടങ്ങിയവ നടന്നു .

 സന്ദേശം രേഖപ്പെടുത്തുന്നതിന് പ്രത്യേകം വര്‍ക്ക് ഷീറ്റുകള്‍ തയ്യാറാക്കിയിരുന്നു . ഉച്ചയ്ക്ക് രക്ഷിതാക്കളുടെ നേതൃത്വത്തില്‍ സ്നേഹ വിരുന്നു നടന്നു . 

വിദ്യാലയ അനുഭവങ്ങള്‍

കൂട്ടുകാരുടെ കൊട്ടാരമായി പ്രീ പ്രൈമറി വിഭാഗം....

ഞങ്ങളുടെ വിദ്യാലയത്തിലും ഒരു പ്രീ പ്രൈമറി വിഭാഗം പ്രവര്‍ത്തിക്കുന്നുണ്ട് . എല്‍ കെ ജി , യു കെ ജി വിഭാഗങ്ങളിലായി മുപ്പത്തിയഞ്ച് കൂട്ടുകാരും രണ്ട് അധ്യാപകരും ഒരു ആയയും...... പ്രവര്ത്തനാധിഷ്ട്ടിത പഠനരീതി തന്നെയാണ് ഇവിടെയും പിന്തുടരുന്നത് . കളികളും പാട്ടുകളും കഥകളും കൊണ്ട്‌ സമ്പന്നമാണ് ക്ലാസ്സ്‌മുറികള്‍ . ധാരാളം കളിപ്പാട്ടങ്ങളും കുഞ്ഞു കുഞ്ഞുചിത്രപുസ്തകങ്ങളും കൂട്ടുകാര്‍ക്ക് വേണ്ടി ഇവിടെ ഒരുക്കിയിട്ടുണ്ട് .

     ജീവിതവൃത്തി പരിശീലനം , പ്രാക് ലേഖന,ഭാഷണ,വായനാ പ്രവര്‍ത്തനങ്ങള്‍ ,ചെറുകായികപരിശീലനങ്ങള്‍ എന്നിവ കൂട്ടുകാര്‍ക്ക് നല്‍കുന്നുണ്ട് . കടലാസുകൊണ്ട് വിവിധ രൂപങ്ങള്‍ ഉണ്ടാക്കാന്‍ മിടുക്കരാണ് ഞങ്ങളുടെ കൂട്ടുകാര്‍ . തൊപ്പി ,വള്ളം,കൊക്ക്എന്നിവയൊക്കെ അവര്‍ പേപ്പര്‍ കൊണ്ട് നിര്‍മ്മിക്കുന്നു.....

     മുതിര്‍ന്ന കൂട്ടുകാര്‍ ഏര്‍പ്പെടുന്ന പഠനപ്രവര്‍ത്തനങ്ങളില്‍ കൗതുകപൂര്‍വം പങ്കാളികളാകുന്നതിനും പ്രോത്സാഹിപ്പിക്കുന്നതിനും സദാ സന്നദ്ധരാണ് ഇവര്‍ . രാവിലെ സ്കൂളിലെത്തുന്ന എല്ലാ അധ്യാപകരെയും നിറഞ്ഞ ചിരിയോടെയും നമസ്തേ പറഞ്ഞും ഇവര്‍ സ്വാഗതം ചെയ്യും .

     പുറത്ത് പോയി കളിക്കുന്നത് ആണ് അവര്‍ക്ക് ഇഷ്ട്ടമുള്ള ഒരു കാര്യം .

 ഭക്ഷണകാര്യങ്ങളിലും മറ്റും തികഞ്ഞ ശുചിത്വശീലങ്ങള്‍  പാലിക്കാന്‍ അധ്യാപകര്‍ ഇവരെ പരിശീലിപ്പിക്കുന്നുണ്ട്. ശുദ്ധജലത്തിന്റെ വിനിയോഗം ,ക്ലാസ്സ്‌ റൂം മര്യാദകള്‍ , ഗ്രൂപ്പ് പ്രവര്‍ത്തനങ്ങള്‍ ,രക്ഷിതാക്കളോടുള്ള ഇടപെടലുകള്‍ എന്നിവയെ സംബന്ധിച്ചും വിവിധ നിര്‍ദ്ദേശങ്ങള്‍ അധ്യാപകര്‍ നല്‍കുന്നു .

      ക്ലാസ്സ്‌റൂം ജനാധിപത്യത്തിന്‍റെ ബാലപാഠങ്ങള്‍ പഠിക്കുന്നതിനുള്ള അവസരവും വിവിധ പ്രവര്‍ത്തനങ്ങളിലൂടെ ഇവിടെ ഒരുക്കുന്നുണ്ട് . കരഞ്ഞും വിളിച്ചും ക്ലാസ്സ്‌ മുറിയില്‍ എത്തുന്ന ഈ കൂട്ടുകാരെ സ്നേഹപൂര്‍ണ്ണമായ ഇടപെടലിലൂടെ വിദ്യാലയത്തെ സ്നേഹിക്കാന്‍ അധ്യാപകര്‍ പ്രാപ്തരാക്കുന്നു . 

സര്‍ഗാത്മക പ്രവര്‍ത്തനങ്ങള്‍

മഴവില്ല് പ്രവര്‍ത്തനപുസ്തകം ഓരോ കൂട്ടുകാര്‍ക്കും........

മഴവില്ല് പ്രവര്‍ത്തനപുസ്തകം രണ്ടാംതരത്തിലെ കൂട്ടുകാര്‍ക്ക് പഠനത്തിന് കൂട്ടാവുന്നു . എസ് എസ് എ പുറത്തിറക്കിയ ഈ പുസ്തകം രണ്ടാംക്ലാസ്സിലെ രണ്ടാം ടേം പാഠപുസ്തകത്തെ അടിസ്ഥാനമാക്കിയാണ് തയ്യാറാക്കിയിട്ടുള്ളത് . പുസ്തകത്തിന്‍റെ ഒരു കോപ്പിയാണ് ഞങ്ങളുടെ വിദ്യാലയത്തിന് ലഭിച്ചത് . എഴുപതിലധികം വര്‍ക്ക്‌ഷീറ്റുകള്‍ ഇതിലുണ്ട് . ഞങ്ങളുടെ വിദ്യാലയത്തിലെ കൂട്ടുകാര്‍ക്ക് വേണ്ടി ഇവയുടെ ഫോട്ടോകോപ്പി എടുത്തു. ഓരോ പുസ്തകമാക്കി . പുസ്തകത്തിന്‍റെ പുറംചട്ടയില്‍ കൂട്ടുകാര്‍ തന്നെ ചിത്രം വരച്ച് നിറം നല്‍കി .

 ഇപ്പോള്‍ ക്ലാസ്സ്‌മുറിയില്‍ ഉപയോഗിക്കുന്ന പ്രവര്‍ത്തന പുസ്തകമായി മഴവില്ല് മാറി . പുസ്തകത്തിന്റെ ആദ്യപേജുകളിലെ നിര്‍ദ്ദേശങ്ങള്‍ എസ് ആര്‍ ജിയില്‍ വായിച്ചു ചര്‍ച്ചചെയ്തു . സ്പൈറലിംഗ് രീതിയില്‍ അക്ഷരങ്ങളും പദങ്ങളും തിരിച്ചറിഞ്ഞ് ഭാഷാപഠനത്തില്‍ മുന്നേറുന്നതിനുള്ള സാധ്യതകള്‍  ഈ പ്രവര്‍ത്തനപുസ്തകത്തിലുണ്ട് .

വീടുകളുടെ വര്‍ണ്ണവൈവിധ്യം

വര്‍ണ്ണങ്ങള്‍ കൊണ്ട് മനോഹരമാക്കിയ വീടുകള്‍ കൂട്ടുകാരുടെ സ്വപ്നമാണ്. ആ സ്വപ്നങ്ങള്‍ക്ക് ചിറകുനല്‍കുന്നതിന് കടലാസുവീടുകളുടെ നിര്‍മ്മാണം അവരെ സഹായിച്ചു . വീടുകളുടെ പ്രത്യേകതകള്‍ , വിശേഷങ്ങള്‍ , വിവിധതരം വീടുകള്‍ , വീട് നിര്‍മ്മാണസാമഗ്രികള്‍ ,ഉപയോഗം എന്നിവ ചര്‍ച്ച ചെയ്തു . ചെറുവാക്യങ്ങളാക്കി വീടിനെക്കുറിച്ച് വിവരണം തയ്യാറാക്കി . തുടര്‍ന്നാണ് വീട്നിര്‍മ്മാണപ്രവര്‍ത്തനം നല്‍കിയത്‌ . കടലാസുകൊണ്ട് വീടുകള്‍ നിര്‍മ്മിച്ച്‌ അവയ്ക്ക് ക്രയോന്‍സ്‌ ഉപയോഗിച്ച് വിവിധ നിറങ്ങള്‍ നല്‍കി . വീടുകള്‍ക്ക് പേരുകള്‍ നല്‍കി അതിനുശേഷം അവ പ്രദര്‍ശിപ്പിച്ചു .

കാടിനെക്കുറിച്ചു വിവരണം തയ്യാറാക്കുന്നതിന് കട്ടൗട്ടുകള്‍....

കാടിനെക്കുറിച്ചു വിവരങ്ങള്‍ ശേഖരിച്ച കൂട്ടുകാര്‍ മരങ്ങളുടെയും മൃഗങ്ങളുടെയും മറ്റും കട്ടൗട്ടുകള്‍ തയ്യാറാക്കി സാന്‍ഡ്ട്രേയില്‍ കുത്തി നിര്‍ത്തി . കാടിന്‍റെ ചെറുരൂപം സൃഷ്ട്ടിച്ചു . കാട് സൃഷ്ട്ടിക്കുന്നതിന് അവര്‍ കാണിച്ച കരവിരുത് മറ്റുക്ലാസ്സുകളിലെ കൂട്ടുകാരെയും ആകര്‍ഷിച്ചു . 

      പേപ്പറുകള്‍ കൊണ്ട് പൂച്ചകളും മീനുകളും പൂമ്പാറ്റകളും അവര്‍ നിര്‍മ്മിക്കുന്നു . എല്ലാം പഠനത്തിന്‍റെ ഭാഗമായി....... പഠനം സര്ഗാത്മകവും ആസ്വാദ്യകരവും ആകുന്നത് എങ്ങനെയെന്നതിന് ഉദാഹരണങ്ങളാണ് കൂട്ടുകാരുടെ ഓരോ സൃഷ്ട്ടിയും.......

മികവുകള്‍

പഠനക്കൂട്ടം

         കൂട്ടുകാര്‍ക്ക് ആശയ സ്വീകരണശേഷി ആശയപ്രകടനശേഷി എന്നിവ വികസിപ്പിക്കുന്നതിനുവേണ്ടി നടത്തുന്ന പ്രത്യേക പരിപാടിയാണ് പഠനക്കൂട്ടം .എസ് ആര്‍ ജിയില്‍ വിശദമായ ആസൂത്രണം നടന്നു . പ്രവര്‍ത്തനരേഖ തയ്യാറാക്കി . ചുമതലകള്‍ നല്‍കി . നവംബര്‍ മാസത്തെ കലണ്ടറില്‍ ഉള്‍പ്പെടുത്തി പ്രവര്‍ത്തനങ്ങള്‍ ആരംഭിച്ചു .......
പ്രവര്‍ത്തന വിശദാംശങ്ങളിലേക്ക്.....

• സ്കൂള്‍തലത്തിലായിരിക്കും ഈ പ്രവര്‍ത്തനങ്ങള്‍ നടക്കുക 
• ഉച്ചയ്ക്ക് ഒന്ന് മുപ്പതിനും ബാലസഭയിലും ഈ പ്രവര്‍ത്തനങ്ങള്‍ കൂട്ടുകാര്‍ക്ക് നല്‍കും 
• വ്യക്തിഗത ഗ്രൂപ്പ് പ്രവര്‍ത്തനങ്ങള്‍ക്ക് പ്രാധാന്യം 
• വിഷയം നേരത്തെ നല്‍കും 
• ഓരോ കൂട്ടുകാരന്റെയും പങ്കാളിത്തം വ്യക്തിഗതമായി വിലയിരുത്തും 
• വിലയിരുത്തല്‍ രേഖപ്പെടുത്തുന്നതിന് ഓരോ കൂട്ടുകാരനും ഓരോ ഫോര്‍മാറ്റ് നല്‍കിയിട്ടുണ്ട് . ഇതു ക്ലാസ് അധ്യാപകര്‍ സൂക്ഷിക്കുകയും രേഖപ്പെടുത്തുകയും വേണം 
• പ്രകടനങ്ങളെ 5 /4/3 /2 /1 എന്നീ പോയിന്റുകള്‍ നല്‍കിയാണ്‌ വിലയിരുത്തുക 
• ഓരോ റ്റേമിലുമുള്ള കൂട്ടുകാരുടെ പങ്കാളിത്തവും പ്രകടനവും വിലയിരുത്തി സമ്മാനങ്ങള്‍ നല്‍കും 
• 
  

കഥോത്സവം 2014

കഥപറയും മുത്തശ്ശി .......

           കഥകള്‍ കേള്‍ക്കാനും കഥകള്‍ പറയാനും കൂട്ടുകാര്‍ക്ക് ഇഷ്ട്ടമാണ് ....നന്മ നിറഞ്ഞ കഥകളിലൂടെ കുഞ്ഞുമനസ്സിലെ കുഞ്ഞുസ്വപ്‌നങ്ങള്‍ ഇതള്‍വിടര്ത്താനുള്ള ശ്രമമാണ് കഥോത്സവത്തിലൂടെ ഞങ്ങള്‍ ലക്ഷ്യമിടുന്നത് . അതിന്‍റെ ആദ്യപടിയായി ആദ്യം ചെയ്തത് സ്കൂള്‍ ലൈബ്രറിയിലെ കഥാപുസ്തകങ്ങള്‍ കണ്ടെത്തലാണ് . ഇവ തരം തിരിച്ചു . കുട്ടിക്കഥകള്‍ , ജീവികളുമായി ബന്ധപ്പെട്ടവ , ചരിത്ര കഥകള്‍ ....... തുടര്‍ന്ന്‍ പുസ്തക പ്രദര്‍ശനം നടത്തി ... കഥാപുസ്തകങ്ങള്‍ കൂട്ടുകാരെ പരിചയപ്പെടുത്തി . 
          കഥ പറയാന്‍ കഥ മുത്തശ്ശിമാരെ കണ്ടെത്താനുള്ള ശ്രമമാണ് പിന്നീട് നടന്നത് ..... ആദ്യം കൂട്ടുകാരുടെ മുന്നിലെത്തിയത് റിട്ടയര്‍ ചെയ്ത അധ്യാപികയായ ശ്രീമതി വിജയലക്ഷ്മിയമ്മ ടീച്ചറാണ് . ടീച്ചറിനോട് കഥോത്സവത്തെ കുറിച്ച് മുന്‍കൂട്ടി ചര്‍ച്ചചെയ്തിരുന്നു . 

          കുട്ടികളോട് അനൗപചാരികമായി വര്‍ത്തമാനം പറഞ്ഞുകൊണ്ടാണ് ടീച്ചര്‍ കഥയിലേയ്ക്ക് കടന്നത് . കഥ പറഞ്ഞുതുടങ്ങിയപ്പോള്‍ തന്നെ കൂട്ടത്തില്‍ ഒരു കുസൃതി ഓര്‍മ്മിപ്പിച്ചു ..." അയ്യേ ..... സ്വാഗതം പറയാന്‍ മറന്നുപോയി " ഒരു കൂട്ടുകാരി സ്വാഗതം പറഞ്ഞു .

 ഭീമന്റെയും ബകന്റെയും കഥ , ഗുരുവിനെ കൊല്ലാന്‍  ശ്രമിച്ച സുകുമാരന്‍റെ കഥ ...... കഥകളിങ്ങനെ നീണ്ടു ......ഒന്നര മണിക്കൂര്‍ കാതുകൂര്‍പ്പിച്ച് കൂട്ടുകാരിരുന്നു . അധ്യാപന ജീവിതത്തിന്‍റെ അനുഭവ തീവ്രതയില്‍ നിന്നും ആര്‍ജ്ജിച്ചെടുത്ത കഥ പറയാനുള്ള കഴിവ് മാറ്റുരയ്ക്കുന്നതിനുള്ള ഒരവസരം കൂടിയായി ടീച്ചറിന് ഈ അനുഭവം .....
ടീച്ചറിന് വേണ്ടി കൂട്ടുകാര്‍ അവരുടെ കലാപ്രകടനങ്ങള്‍ പുറത്തെടുത്തു 

സ്കൂള്‍ വിടുന്നതിന് മുമ്പ് വിജയലക്ഷ്‌മി ടീച്ചര്‍ ഇങ്ങനെ കുറിച്ചു.....
"കഥോത്സവം 2014 കഥപറയല്‍ പരിപാടിയില്‍ പങ്കെടുത്തു . വര്‍ഷങ്ങള്‍ക്ക് ശേഷം കൂട്ടുകാരോട് കഥ പറയാന്‍ കിട്ടിയ അവസരം ഓരോ റിട്ടയേര്‍ഡ് അധ്യാപിക എന്ന നിലയില്‍ ശരിക്കും ആസ്വദിച്ചു ... തീരെ ചെറിയ കുട്ടികള്‍ വളരെ ആകാംക്ഷയോടെയും ശ്രദ്ധയോടെയും കഥ കേട്ടിരുന്നു . അതിലെ ഗുണപാഠങ്ങളും അറിവുകളും അവര്‍ ആവര്‍ത്തിച്ചു . എനിക്ക് സ്വാഗതവും കൃതഞ്ഞതയും പറഞ്ഞത് കുട്ടികള്‍ തന്നെ . അവരുടെ കുഞ്ഞുവാക്കുകള്‍ എന്നെ പഴയ കാല അധ്യാപന ജീവിതത്തിലേയ്ക്ക് മടക്കി കൊണ്ടുപോയി . മനസ്സിന് തണുപ്പേകിയ ഈ അനുഭവം എനിക്ക് ജീവിതത്തില്‍ മറക്കാന്‍ കഴിയില്ല .... എല്ലാ വിധ ആശംസകളും ..... "

ക്ലാസ്സ്‌ പ്രവര്‍ത്തനങ്ങള്‍

ശാന്തചേച്ചിയും ടീച്ചറായി.........

  കൂട്ടുകാര്‍ക്ക് ഉച്ചഭക്ഷണം തയ്യാറാക്കുന്നത് ശ്രീമതി ശന്താകുമാരിയാണ് . ശാന്തചേച്ചിയെന്നാണ് കൂട്ടുകാര്‍ സ്നേഹത്തോടെ കൂട്ടുകാര്‍ അവരെ വിളിക്കുക . രണ്ടാംക്ലാസ്സിലെ കൂട്ടുകാര്‍ക്ക് സാലഡ്‌ തയ്യാറാക്കണം .... അതിന് അവര്‍ ശാന്തചേച്ചിയെ ചോദ്യങ്ങളുമായി സമീപിച്ചു . തികഞ്ഞ അവധാനതയോടെ ചേച്ചി കാര്യങ്ങള്‍ കൂട്ടുകാര്‍ക്ക് പറഞ്ഞു കൊടുത്തു .അവര്‍ അത് കുറിച്ചെടുത്തു . പിന്നെ സലാഡ്‌ ഉണ്ടാക്കുന്ന തിരക്കിലായി .

 ഉച്ചയ്ക്ക് ഊണിനൊപ്പം രണ്ടാം ക്ലാസ്സിലെ കൂട്ടുകാരുടെ സമ്മാനമായി ഒരു വിഭവം കൂടി റെഡി ......

നടന്ന പ്രവര്‍ത്തനങ്ങള്‍

• ചോദ്യാവലി തയ്യാറാക്കല്‍ , അഭിമുഖം.....
• നിര്‍മ്മാണഘട്ടങ്ങള്‍ ചര്‍ച്ച
• സാലഡ്‌നിര്‍മ്മാണസാമഗ്രികള്‍ കണ്ടെത്തല്‍ , പരിചയപ്പെടല്‍
• സലാഡ്‌ നിര്‍മ്മാണം
• സലാഡ്‌ - സവിശേഷതകള്‍ കണ്ടെത്തല്‍
• കുറിപ്പ്‌ തയ്യാറാക്കല്‍ , പതിപ്പ്‌

ക്ലാസ്സിലൊരു കളിപ്പാട്ടക്കട

ഗണിതപഠനത്തിന് വേണ്ടി കളിപ്പാട്ടക്കടയോരുക്കി രണ്ടാം തരത്തിലെ കൂട്ടുകാര്‍ .... കളിപ്പാട്ടങ്ങള്‍ അവര്‍ തന്നെ കൊണ്ട് വന്നു . കടയുണ്ടാക്കി ..... തുടര്‍ന്ന് ഓരോന്നിനും വില നിശ്ചയിച്ചു . പുതിയ പ്രായോഗികപ്രശ്നങ്ങള്‍ കണ്ടെത്തലും അത് നിര്‍ധാരണം ചെയ്യലുമായി ഗണിതപഠനം മുന്നേറി ....

കായിക മതസരങ്ങള്‍ നടന്നു.....

ഒന്നുമുതല്‍ നാല് വരെ ക്ലാസ്സുകളിലെ കായികപ്രതിഭകളെ കണ്ടെത്താനുള്ള വിവിധ മതസരങ്ങള്‍ നടന്നു . അധ്യാപകരുടെ നേതൃത്വത്തില്‍ ഓട്ടം,ലോങ്ങ്‌ജമ്പ്‌,പുന്നക്കപെറുക്കല്‍ എന്നീ മത്സരങ്ങള്‍ കൂട്ടുകാര്‍ക്ക് വേണ്ടി നടന്നു . കൂട്ടുകാര്‍ ആവേശപൂര്‍വം മത്സരങ്ങളില്‍ പങ്കെടുത്തു

ചങ്ങാതിതത്തയുമൊത്ത്....

ഒന്നാം ക്ലാസ്സിലെ കൂട്ടുകാരുടെ പഠനത്തിന്‍റെ വഴികാട്ടിയാണ് ചങ്ങാതിതത്ത...... വിവിധ പ്രവര്‍ത്തനങ്ങള്‍ ക്ലാസ്സ്‌ മുറിയില്‍ ഇതള്‍വിരിയുന്നത് ചങ്ങാതിതത്ത എന്ന കഥാപാത്രത്തിലൂടെയാണ്......

തത്തയുടെ ചിത്രം വരച്ചും വെട്ടിയോട്ടിച്ചും അറിവ്നിര്‍മ്മാണത്തിന്റെ സാക്ഷിയായി മാറുന്നു ഈ തത്തക്കുഞ്ഞ് ....

പഠനത്തിന്റെ ഭാഗമായി ക്ലാസ്സില്‍ രൂപപ്പെട്ട വിവിധ ചാരട്ടുകളിലും തത്ത സാക്ഷിയാകുന്നു ..... 

ഫോക്കസ് 2014

നന്മയുള്ള പ്രവര്‍ത്തന ലക്ഷ്യവുമായി സന്ധ്യടീച്ചര്‍ എത്തി .....
 
    എസ് എസ് എ നടപ്പിലാക്കുന്ന ഫോക്കസ് പ്രവര്‍ത്തന പരിപാടിയുടെ ഭാഗമായി സന്ധ്യ ടീച്ചര്‍ നമ്മുടെ വിദ്യാലയത്തിലെത്തി . നിരവധി പ്രവര്‍ത്തനങ്ങള്‍ വ്യത്യസ്ത ക്ലാസ്സുകളിലായി നല്‍കി . രണ്ടാം ക്ലാസ്സ്‌ കേന്ദ്രീകരിച്ചാണ് ഇത്തവണ ഫോക്കസ്‌ പരിപാടി നടക്കുന്നത് . 

ആസൂത്രണം ചെയ്ത പ്രവര്‍ത്തനങ്ങള്‍ 

• വാര്‍ഷിക പദ്ധതി രൂപീകരണം 
• ക്ലാസ്സ്‌ കലണ്ടര്‍ 
• പഠനക്കൂട്ടം - വായനാ പ്രവര്‍ത്തന പരിപാടി 
• ശുചിത്വ സേന രൂപീകരണം - പ്രവര്‍ത്തനങ്ങള്‍ 
• ശാസ്ത്ര വിസ്മയ പരിപാടി 
• ഗണിതം മധുരം
• ഓണസ്റ്റിഷോപ്പ്‌ 
• കൃഷിയും പഠനവും
•  ജാലകം -ഡോക്കുമെന്ററി ഫെസ്റ്റ്
• സാമൂഹ്യ കൂട്ടായ്മകള്‍ 

പ്രവര്‍ത്തനങ്ങളുടെ നേര്‍കാഴ്ച്ചയിലേയ്ക്ക് ......
ഒന്നാം ക്ലാസ്സില്‍ ഫ്രൂട്ട്‌സലാഡ്‌ ഉണ്ടാക്കുന്ന പ്രവര്‍ത്തനം നടന്നു .
ടീച്ചര്‍ ആദ്യം വിവിധ പഴ വര്‍ഗ്ഗങ്ങള്‍ കൂട്ടുകാരെ പരിചയപ്പെടുത്തി . തുടര്‍ന്ന് അവയുടെ നിറം, രുചി എന്നിവ പരിചയപ്പെട്ടു . ഉണ്ടാക്കുന്ന രീതി ചര്‍ച്ച ചെയ്തു . തുടര്‍ന്ന്‍ ഫ്രൂട്ട് സലാഡ്‌ ഉണ്ടാക്കി . 

കൂട്ടുകാരും അധ്യാപികയും ചേര്‍ന്ന് എല്ലാവര്ക്കും വിതരണം ചെയ്തു .
 POND - DESCRIPTION
രണ്ടാം ക്ലാസ്സില്‍ കുളവുമായി ബന്ധപ്പെട്ട് വിവരണം ഇംഗ്ലീഷില്‍ തയ്യാറാക്കുന്നതിന്റെ ഭാഗമായി ക്ലാസ്സില്‍ ഒരു കുളം സൃഷ്ട്ടിച്ചു . ജലജീവികളും സസ്യങ്ങളും ക്രമീകരിച്ചു . കൂട്ടുകാര്‍ക്ക് നിരീക്ഷിക്കാന്‍ അവസരം നല്‍കി . 

ചര്‍ച്ച . വാക്കുകള്‍ എഴുതി .തുടര്‍ന്ന് വിവരണം തയ്യാറാക്കി .
ബഹിരാകാശവാരം- പ്രവര്‍ത്തനങ്ങള്‍ 
ബഹിരാകാശ വാരവുമായി ബന്ധപ്പെട്ട് താഴെ ചേര്‍ത്തിട്ടുള്ള പ്രവര്‍ത്തനങ്ങള്‍ നടന്നു .....

• ക്വിസ് 
• വിവരണം തയ്യാറാക്കല്‍
• ചിത്ര പ്രദര്‍ശനം
• മംഗല്‍യാന്‍- ഡയറി കുറിപ്പ്‌ തയ്യാറാക്കല്‍ 
• പത്ര കട്ടിങ്ങുകളുടെ പ്രദര്‍ശനം 

വിവരശേഖരനത്തിനായി പത്രങ്ങള്‍ ഒട്ടിക്കുന്നതു കാണാന്‍ അതിഥികളായി നഴ്സറി ക്ലാസ്സിലെ കൂട്ടുകാരും എത്തി 

ക്ലാസ്സ്‌ പിറ്റി എ 
 കൂട്ടുകാരുടെ മികവുകള്‍ പങ്കുവയ്ക്കുന്നതിനും ഫോക്കസ്‌ പ്രവര്‍ത്തനത്തിന്റെ പ്രാധാന്യം ബോധ്യപ്പെടുത്തുന്നതിനുമായി പ്രത്യേക ക്ലാസ്സ്‌ പി റ്റി എ യോഗങ്ങള്‍ സംഘടിപ്പിച്ചു . 

താല്പ്പര്യപൂര്‍വം രക്ഷിതാക്കള്‍ പങ്കെടുത്തു .കുടുംബ സദസ്സുകള്‍ വിളിച്ചു കൂട്ടാനും അവിടെ കൂട്ടുകാരുടെ മികവുകള്‍ അവതരിപ്പിക്കാനും അതിനു വേണ്ടി ഗൃഹസന്ദര്‍ശനം നടത്താനും തീരുമാനിച്ചു

ഡോക്കുമെന്ററി ഫെസ്റ്റിവല്‍

സിനിമയുടെ ജാലകംതുറന്നു ..... കൂട്ടുകാര്‍ക്കായി 
         
നല്ല സിനിമകള്‍ കാണാനും അത് ആസ്വദിക്കാനും ഉള്ള കഴിവ് കൂട്ടുകാരില്‍ വളര്‍ത്തിയെടുക്കുക എന്ന ലക്‌ഷ്യം മുന്‍നിര്‍ത്തി ചുണ്ടവിളാകം എല്‍ പി സ്കൂളില്‍" ജാലകം" ഡോക്കുമെന്ററി ഫെസ്റ്റിവലിന് തുടക്കമായി ....  ഫെസ്റ്റിവല്‍ ബഹുമാനപ്പെട്ട ബാലരാമപുരം എ ഇ ഓ ശ്രീ ഹൃഷികേശ് സാര്‍ ഉദ്ഘാടനം ചെയ്തു . 2014 ഒക്റ്റോബര്‍ 20 മുതല്‍ 25 വരെയാണ് പ്രസ്തുത ഫെസ്റ്റ് നടക്കുന്നത് . എന്നും ഉച്ചയ്ക്ക് ഒന്നുമുപ്പതിനാണ് കൂട്ടുകാര്‍ സിനിമ കാണുന്നത് 

പ്രവര്‍ത്തനം ഇങ്ങനെ.....
അധ്യാപിക ഒരു കഥ പറയുന്നു ...
"  നല്ലപെട്ടി "ഇത്മനോഹരമായ ഒരു കൊച്ചു ഗ്രാമത്തിന്‍റെ പേരാണ് . ഈ ഗ്രാമത്തിലേയ്ക്ക് അന്നും പതിവുപോലെ ബലൂണ്‍കാരന്‍ എത്തി . സൈക്കിളില്‍ നിറയെ വിവിധ വര്‍ണ്ണങ്ങളിലുള്ള ബലൂണുകള്‍ വീര്‍പ്പിച്ചുകെട്ടിയാണ് അയാളുടെ വരവ് . ബലൂണ്‍കാരന്‍ ദൂരെ നിന്ന് വരുമ്പോഴേ കുട്ടികള്‍ക്കറിയാം . ഒരു പ്രത്യേക ശബ്ദം പുറപ്പെടുവിച്ചുകൊണ്ടാണ് അയാളുടെ വരവ് . അത് കേള്‍ക്കുന്നപാടെ കുട്ടികള്‍ ഓടിക്കൂടും . പിന്നെ വിലപേശലും വാങ്ങലുമായി .... അന്നും അനിക്കുട്ടന്‍ ബലൂണ്‍കാരന്‍റെ അടുത്തെത്തി . അവനു പച്ചനിറത്തിലുള്ള ഒരു ബലൂണ്‍ നന്നായി ഇഷ്ട്ടപ്പെട്ടു . അവനതിന്റെ വില ചോദിച്ചു . " അഞ്ചു രൂപ " ബലൂണ്‍കാരന്‍ പറഞ്ഞു . അതും കേട്ട് കൊണ്ട് അവന്‍ വീട്ടിലേയ്ക്ക് ഓടി . അമ്മ അടുത്ത വീട്ടിലെ വീടുപണി കഴിഞ്ഞ് എത്ത്തിയിട്ടുണ്ടായിരുന്നില്ല ....
      അമ്മയെ കാത്തു അവനിരുന്നു .അക്ഷമയോടെ .... അമ്മ വന്നു . അമ്മയോടവന്‍ പച്ച ബലൂണിനെ കുറിച്ച് പറഞ്ഞു . അവനു ഇതൊക്കെ പറയാന്‍ അമ്മ മാത്രമേയുള്ളൂ .അവന്‍റെ ആവശ്യം കേട്ട് അമ്മ ദേഷ്യം കൊണ്ട് ഉറഞ്ഞുതുള്ളി " ഇവിടെ അരി വാങ്ങാന്‍ പൈസയില്ല പിന്നെയാണ് ബലൂണ്‍ "  " അടി വേണ്ടെങ്കില്‍ മര്യാദയ്ക്ക് എവിടെയെങ്കിലും പോയി അടങ്ങിയിരുന്നോ ..." അമ്മയുടെ ശകാരം അവനെ നിശബ്ദനാക്കി ..... ഒന്നും മിണ്ടാതെ അവന്‍ ഒരു മൂലയില്‍ പോയിരുന്ന് ബുക്ക്‌ തുറന്നു ... അറിയാതെ അവന്‍റെ കണ്ണില്‍ നിന്നും കണ്ണുനീര്‍ തുള്ളികള്‍ നോട്ടുബുക്കിലെ അക്ഷരങ്ങളില്‍ വീണു പടര്‍ന്നു .
    അമ്മയ്ക്കും സങ്കടമായി . അമ്മ പതുക്കെ അടുത്ത് വന്നു അവനെ ചേര്‍ത്ത് പിടിച്ചു . അവര്‍ പറഞ്ഞു " മിട്ടായി വാങ്ങാന്‍ ഇനി മുതല്‍ അമ്മ നല്‍കുന്ന അമ്പത്‌ പൈസ ചേര്‍ത്ത് വയ്ക്കണം ..അങ്ങനെ നമുക്ക്‌ ബലൂണ്‍ വാങ്ങാം " . അവനു സന്തോഷമായി . അവനും അമ്മയും ആഹാരം കഴിച്ച് കിടന്നു . നേരം പുലര്‍ന്നു .........
കഥയുടെ ബാക്കി ഭാഗം പൂര്‍ത്തിയാക്കാന്‍ അവസരം നല്‍കി 
അനുയോജ്യമായ ചിത്രങ്ങള്‍ വരച്ചു 
ജാലകം  പരിപാടി അവതരിപ്പിച്ചു . അതിനു വേണ്ടി പോസ്റ്റര്‍ നിര്‍മ്മിക്കാന്‍ നിര്‍ദ്ദേശിച്ചു . 
പോസ്റ്ററില്‍ ചേര്‍ക്കേണ്ട കാര്യങ്ങള്‍ ചര്‍ച്ച ചെയ്തു . 

• തലക്കെട്ട്‌ ?
• ചിത്രത്തിന്റെ സ്ഥാനം ? 
• വിശദീകരണം ചേര്‍ക്കേണ്ടതുണ്ടോ ? അക്ഷരങ്ങളുടെ വലിപ്പം ?
• ലേ ഔട്ട്‌ 

ചില മാതൃകകള്‍ പരിചയപ്പെടുത്തി .പോസ്റ്റര്‍ ഗ്രൂപ്പുകളില്‍ തയ്യാറാക്കുന്നു . പ്രദര്‍ശിപ്പിക്കുന്നു ....

തുടര്‍ന്ന് നേരത്തെ കേട്ട /പൂര്‍ത്തിയാക്കിയ കഥയുമായി ബന്ധപ്പെട്ട ഒരു സിനിമ കാണാം എന്ന ആമുഖത്തോടെ "പച്ചബലൂണ്‍" സിനിമ പ്രദര്‍ശിപ്പിക്കുന്നു .
സിനിമ കണ്ടശേഷം ചര്‍ച്ച 

• നിങ്ങള്‍ എഴുതി പൂര്‍ത്തിയാക്കിയ കഥയും സിനിമയുടെ രംഗങ്ങളും താരതമ്യം ചെയ്യൂ ....
• കേട്ട കഥയിലെ രംഗങ്ങള്‍ അതേപോലെ പകര്‍ത്താന്‍ സിനിമയിലൂടെ കഴിഞ്ഞിട്ടുണ്ടോ ?
• കഥാപാത്രങ്ങളില്‍ ഏറ്റവും ഇഷ്ട്ടപ്പെട്ടത്‌ ആരെ ? എന്തുകൊണ്ട് ?
• കഥയാണോ സിനിമയാണോ കൂടുതല്‍ ഇഷ്ട്ടപ്പെട്ടത് ? എന്തുകൊണ്ട് ?
• ഇഷ്പ്പപ്പെട്ട രംഗം ?
• ഈ സിനിമയ്ക്ക് യോജിച്ച മറ്റൊരു പേര് ?
• സിനിമ കണ്ടപ്പോള്‍ മനസ്സില്‍ എന്ത് തോന്നി ?

കൂട്ടുകാര്‍ സിനിമ ആസ്വദിച്ചുകണ്ടു . പകരം പല പേരുകളും അവര്‍ നല്‍കി . പൊന്‍മുത്ത്‌ , അമ്മയും മകനും , പൊട്ടിയബലൂണ്‍ എന്നിങ്ങനെ .....
കുറിപ്പും തയ്യാറാക്കി . ആദ്യ ദിവസമായതുകൊണ്ട് സമയം കൂടുതല്‍ എടുത്തു . അടുത്ത ദിവസം അര മണിക്കൂര്‍ കൊണ്ട് പ്രദര്‍ശനവും ചര്‍ച്ചയും കഴിഞ്ഞു. ഫോക്കസ്‌ പരിപാടിയുടെ ഭാഗമായി ആസൂത്രണം ചെയ്തതാണ് ഈ പ്രവര്‍ത്തനം . ക്ലസ്റ്റര്‍ കോര്‍ഡിനേറ്റര്‍ ശ്രീമതി സന്ധ്യ ടീച്ചറിന്റെ മുഴുവന്‍ സമയ സഹായം ഈ പ്രവര്‍ത്തന വിജയത്തിനു തുണയായി .....

ബ്ലോഗുവിശേഷങ്ങള്‍

മഴവില്ല് വിരിയുന്നു ....... 

കുഞ്ഞു മനസ്സുകളുടെ കുട്ടിത്തങ്ങള്‍ പങ്കുവയ്ക്കാന്‍ ഒരു കുഞ്ഞുബ്ലോഗ് കൂടി ....  മഴവില്ല് .....
മഴവില്ലിന്റെ വര്‍ണ്ണസ്വപ്നങ്ങളുമായി പറന്നു നടക്കുന്ന ഒരു കൂട്ടം കൂട്ടുകാരാണ് ചുണ്ടവിളാകം എല്‍ പി സ്കൂളിന്‍റെ നിറവ് ... ആ കൂട്ടുകാരുടെ മനസ്സിന്‍റെ നന്മകള്‍ , പഠനത്തിന്‍റെ പുത്തന്‍അനുഭവങ്ങള്‍ ,സൃഷ്ട്ടി വൈഭവത്തിന്റെ തെളിവുകള്‍ എല്ലാം അക്ഷരലോകത്ത് എത്തുന്നു മഴവില്ലിലൂടെ .....
മുത്തിലെ എന്‍റെ ഡയറിക്കുറിപ്പില്‍ ഈ വിദ്യാലയത്തിന്റെ മികവിന്‍റെ സാക്ഷ്യങ്ങള്‍ ഒരിക്കല്‍ ഞാന്‍ പരിചയപ്പെടുത്തിയിരുന്നു . എന്നെ അത്ഭുതപ്പെടുത്തിയ പ്രവര്‍ത്തനസാക്ഷാത്കാരങ്ങളാണ് ഇവിടെ എനിക്ക് ദര്‍ശിക്കാന്‍ കഴിഞ്ഞത് .... ഓരോ അധ്യാപികയുടെയും ടീച്ചിംഗ് മാന്വലുകള്‍ മൂന്നാമത്തെ വാള്ല്യത്തില്‍ എത്തിനില്‍ക്കുന്നു .അവര്‍ എഴുതിനിറച്ച പഠനപ്രവര്ത്തനങ്ങളുടെ തെളിവുകളാണ് ഇവിടത്തെ കൂട്ടുകാരുടെ അക്കാദമികമികവ്.......
          അധ്യാപികയുടെ ടീച്ചിംഗ് മാന്വലില്‍ പ്രധമാധ്യാപകന്‍ എഴുതിയ ഒരു വിശകലനകുറിപ്പ് മാത്രം ഇവിടെ അവതരിപ്പിക്കുന്നു . അതു വായിച്ചാലറിയാം അവരുടെ ആത്മസമര്‍പ്പണത്തിന്റെയും കൂട്ടായ്മയുടെയും വെളിച്ചങ്ങള്‍ ..... 

         ബാലരാമപുരം സബ്ജില്ലയിലെ കുഞ്ഞുവിദ്യാലയമായ ചുണ്ടവിളാകം എല്‍ പി സ്കൂളിലെ " മഴവില്ല് " എന്ന പേരിട്ട ബ്ലോഗ്‌ അഭിമാനപൂര്‍വം വിദ്യാഭ്യാസസമൂഹത്തിനു മുന്നില്‍ അവതരിപ്പിക്കട്ടെ .....
ഹൃഷികേശ് എ എസ് 
ഉപജില്ലാ വിദ്യാഭ്യാസ ആഫീസര്‍ 
ബാലരാമപുരം