കൊച്ചു കൊച്ചു നേട്ടങ്ങള്‍

സബ്ജില്ലയില്‍ സമ്മാനങ്ങള്‍ .....

സബ്ജില്ലാ തലത്തില്‍ നടന്ന ശാസ്ത്രമേളയില്‍ ഞങ്ങളുടെ കൂട്ടുകാരും പങ്കെടുത്തു ... നിറയെ സമ്മാനങ്ങളുമായിട്ടാണ് അവര്‍ മടങ്ങിയത് ... അധ്യാപകരുടെ കൂട്ടായ പ്രവര്‍ത്തനമാണ്‌ ഈ മികവുകള്‍ക്ക് പിന്നില്‍ ... അസംബ്ലിയില്‍ വച്ച് വിജയികള്‍ക്ക് സമ്മാനങ്ങള്‍ വിതരണം ചെയ്തു . ആര്യയും സന്ധ്യയും സമ്മാനങ്ങള്‍ ഏറ്റു വാങ്ങി .

അധ്യാപക കൂട്ടായ്മയുടെ കരുത്ത് 

ജന്മ ദിന സമ്മാനങ്ങള്‍ 

നവംബര്‍ 27 വെള്ളി രണ്ടു കൂട്ടുകാരുടെ ജന്മ ദിനമായിരുന്നു . രണ്ടുപേരും രണ്ടാം ക്ലാസ്സുകാര്‍ .... അഖിലയും ജോബിനും .... പുസ്തകങ്ങള്‍ ക്ലാസ് അധ്യാപിക ശ്രീമതി പ്രീതാരാജ് ടീച്ചര്‍ക്ക്   കൈമാറി അവര്‍ ജന്മദിനാശംസകള്‍ ഏറ്റു വാങ്ങി ....

   

പഠനപ്രവര്‍ത്തനങ്ങള്‍

നഴ്സറി കൂട്ടുകാരുടെ കരവിരുതുകള്‍ ...

കൂട്ടുകാര്‍ കല്യാണ കാര്‍ഡില്‍ നിര്‍മ്മിച്ച കുടകളുമായി 

    പെന്‍സില്‍ മുന കൂര്‍പ്പിക്കാന്‍ കട്ടര്‍ ഉപയോഗിച്ച് വെട്ടുമ്പോള്‍ കിട്ടുന്ന വെസ്റ്റ് പോലും ഇപ്പോള്‍ നഴ്സറിയിലെ കൂട്ടുകാര്‍ക്ക് പഠനോപകരണങ്ങള്‍ നിര്‍മ്മിക്കാനുള്ള സാമഗ്രികളാകുന്നു . അത് ഉപയോഗിച്ച് അവര്‍ കുടയും പൂവും മരവും നിര്‍മ്മിക്കുന്നു ... നിര്‍മ്മാണ രീതിയും വിവരണവും നടത്തുന്നു ... ആവേശകരമാണ് അവരുടെ പ്രവര്‍ത്തനങ്ങള്‍ .
ഫോക്കസ് രണ്ടാം ഘട്ടം

   ഫോക്കസ് രണ്ടാം ഘട്ട പ്രവര്‍ത്തനങ്ങള്‍ ഞങ്ങളുടെ വിദ്യാലയത്തില്‍ ആരംഭിച്ചു . ഇത്തവണ മൂന്നാം ക്ലാസ് ആണ് ഫോക്കസ് പ്രവര്‍ത്തനങ്ങള്‍ക്ക് വേണ്ടി തെരഞ്ഞെടുത്തിട്ടുള്ളത് . ക്ലാസ്സ് മുറിയില്‍ മാറ്റങ്ങള്‍ പ്രകടം ... ചിത്ര ശലഭവുമായി ബന്ധപ്പെട്ട പ്രവര്‍ത്തനങ്ങളും അവയുടെ സൃഷ്ട്ടികളും കൊണ്ട് ക്ലാസ് നിറഞ്ഞു .... ക്ലാസ് റൂം മികവുകളുടെ നേര്‍കാഴ്ചയിലേയ്ക്ക് ....

മഹത് വചനങ്ങള്‍ എഴുതി പ്രദര്‍ശിപ്പിക്കാന്‍ പ്രത്യേക ഇടം 

  

ശാസ്ത്രോത്സവം 2015

കൂട്ടുകാരുടെ ഉത്സവമായി ശാസ്ത്രോത്സവം 

സാധാരണ എല്‍ പി സ്കൂളുകളില്‍ നിന്നും നാമ മാത്രമായ കൂട്ടുകാരുടെ  പങ്കാളിത്തം മാത്രമാണ് സബ്ജില്ലാ മത്സരങ്ങളില്‍ ഉണ്ടാകുക ... അതും അധ്യാപകരും രക്ഷിതാക്കളും ഉണ്ടാക്കി നല്‍കുന്ന സാധനങ്ങള്‍ക്ക് മൂകസാക്ഷിയാകുക .... ഇതാണ് പലപ്പോഴും സംഭവിക്കുന്നത് ... അതിനൊരു മാറ്റം വേണമെന്ന് ഇത്തവണ ഞങ്ങള്‍ തീരുമാനിച്ചു .... അതിനു വേണ്ടി താഴെ കാണുന്ന മുന്നൊരുക്കങ്ങള്‍ നടത്തി ...
പ്രവര്‍ത്തനങ്ങള്‍ 
ക്ലാസ്സുകളില്‍ ബന്ധപ്പെട്ട വിഷയത്തില്‍  നിരവധി പ്രവര്‍ത്തനങ്ങള്‍ നല്‍കി 
ഉദാ 
മണ്ണിനെ കുറിച്ചുള്ള വിവര ശേഖരണം
പ്രകാശ സ്രോതസ്സുകളുടെ വിവര ശേഖരണം 
പരീക്ഷണ പ്രവര്‍ത്തനങ്ങള്‍ എന്നിവ ...
ഏറ്റവും നന്നായി ചെയ്ത കൂട്ടുകാരെ കണ്ടെത്തി ....
ശാസ്ത്രക്ലബ്ബ് കൂടി മെച്ചപ്പെടുത്തല്‍ , കൂട്ടിച്ചേര്‍ക്കല്‍ എന്നിവ ചര്‍ച്ച ചെയ്തു . മണ്ണെഴുത്ത് ഡയറി , എന്‍റെ മരം ഡയറി , മറ്റു പുസ്തകങ്ങള്‍ എന്നിവ പുതിയ വിവരങ്ങള്‍ കണ്ടെത്താനായി നല്‍കി . അവ ക്രോഡീകരിച്ച് ചാര്‍ട്ടുകള്‍ തയ്യാറാക്കി ... കൂട്ടുകാരെ അവതരണരീതി പരിശീലിപ്പിച്ചു . പ്രകാശസ്രോതസ്സുകള്‍ ശേഖരിച്ചു . പരീക്ഷണങ്ങള്‍ തീരുമാനിച്ചു ...

സ്കൂളിലെ മുഴുവന്‍ കൂട്ടുകാര്‍ക്കും കാണാനുള്ള അവസരം ഒരുക്കി ... അതിനു ശേഷമാണ് സബ്ജില്ലയില്‍ പങ്കെടുത്തത് .....

സമ്മാനമല്ല പ്രധാനം .... ഇതിലൂടെ ചില കഴിവുകള്‍ കൂട്ടുകാര്‍ക്കുണ്ടാക്കുക അതാണ്‌ ഞങ്ങളുടെ ലക്‌ഷ്യം 
ബോണസ്സായി പങ്കെടുത്ത മത്സരങ്ങളില്‍ നന്നായി, ആത്മവിശ്വാസത്തോടെ  പങ്കെടുക്കാന്‍ കൂട്ടുകാര്‍ക്ക് കഴിഞ്ഞു ....സമ്മാനങ്ങളും ലഭിച്ചു 

ഗാന്ധിദര്‍ശന്‍ പ്രവര്‍ത്തനങ്ങള്‍....

സ്വദേശി ലോഷന്‍ വില്പനയ്ക്ക് ....

 സ്കൂളിലെ ഗാന്ധിദര്‍ശന്‍  പ്രവര്‍ത്തനങ്ങളുടെ ഭാഗമായി അധ്യാപകരുടെ നേതൃത്വത്തില്‍ കൂട്ടുകാര്‍ സ്വദേശി ലോഷന്‍ ഉണ്ടാക്കി ....
ലോഷന്‍ ഉണ്ടാക്കുന്ന വിധം ഗ്രൂപ്പുകളില്‍ ചര്‍ച്ച ചെയ്തു . തുടര്‍ന്ന് ലോഷന്‍ ഉണ്ടാക്കാന്‍ ആവശ്യമായ സാധനങ്ങള്‍ പരിചയപ്പെട്ടു .

 ബൈനോയില്‍ 500 എം എല്‍ , സോഫ്റ്റ് സോപ്പ് 250 എം എല്‍ , പുല്‍തൈലം , ജലം 12 ലിറ്റര്‍ എന്നിവ ചേര്‍ത്ത് ലോഷന്‍ നിര്‍മ്മിച്ചു . അവ കൂട്ടുകാര്‍ ശേഖരിച്ചു കൊണ്ട് വന്ന കുപ്പികള്‍ വൃത്തിയാക്കിയെടുത്ത് നിറച്ചു . 
ലേബല്‍ ഒട്ടിച്ചു ... 

മുത്ത് ഓണസ്റ്റി ഷോപ്പില്‍ വില്പനയ്ക്ക് വച്ചു ....

കൂട്ടുകാര്‍ അവര്‍ നിര്‍മ്മിച്ച ലോഷനുമായി ..

പുറത്തെ പ്രത്യേക ബോര്‍ഡില്‍ രേഖപ്പെടുത്തിയ സൂചനകള്‍ ഉപയോഗിച്ച് കൊണ്ട് നിര്‍മ്മാണ രീതി കൂട്ടുകാര്‍ എഴുതി തയ്യാറാക്കി .

കളികളിലൂടെ ഇംഗ്ലിഷ് പഠനം ....

സ്വാഭാവികമായ പ്രവര്‍ത്തന രീതികളിലൂടെ ഇംഗ്ലിഷ് ഭാഷാ പഠനത്തില്‍ മുന്നേറുക എന്ന ലക്‌ഷ്യം വച്ച് കളികളിലൂടെ ഇംഗ്ലീഷ് പഠിക്കുക എന്ന തന്ത്രം വിജയകരമായി നടപ്പിലാക്കാന്‍ ഇപ്പോള്‍ കഴിയുന്നു ... കളി നിയമങ്ങളും നിര്‍ദേശങ്ങളും ഇംഗ്ലിഷിലൂടെ തന്നെയായിരിക്കും നല്‍കുക . കൂട്ടുകാര്‍ താല്പര്യപൂര്‍വ്വം പ്രവര്‍ത്തനങ്ങളില്‍ പങ്കെടുത്തു .

രാവിലെയുള്ള വായന 

എന്നും രാവിലെ കൂട്ടുകാര്‍ ഇപ്പോള്‍ ഒന്‍പതു മണിക്ക് സ്കൂളിലെത്തും ... സ്വയം വായനാ സാമഗ്രികള്‍ തെരഞ്ഞെടുത്ത് സ്വതന്ത്ര വായനാ പ്രവര്‍ത്തനങ്ങളില്‍ ഏര്‍പ്പെടുന്നു .

വായനാ വിശേഷങ്ങള്‍ ചര്‍ച്ച ചെയ്യുന്നു ....

വായനയുടെ മികവുകള്‍ പങ്കുവയ്ക്കുന്നു .... 

അധ്യാപകരും ഈ യജ്ഞത്തില്‍ പങ്കാളികളാകുന്നു ....

വിദ്യാലയ അനുഭവങ്ങളിലൂടെ ....

ഷിജിന്റെ ജന്മദിനം 

       ഷിജിന്‍ എല്‍ കെ ജി ക്ലാസ്സില്‍ പഠിക്കുന്ന മിടുക്കനായ കൂട്ടുകാരനാണ് .... അവന്‍റെ നടപ്പും ഇരിപ്പും പ്രവര്‍ത്തനങ്ങളും ഒക്കെ കൗതുകമുള്ള കാഴ്ചയാണ് ... അസംബ്ലിയില്‍ പ്രതിജ്ഞ ചൊല്ലുമ്പോള്‍ ഏറ്റവും ഉറക്കെ അതു ഏറ്റു ചൊല്ലുന്നത് ഷിജിനാണ്.... രാവിലെ പ്രഥമാധ്യാപകന് ഷെയ്ക്ക് ഹാന്‍ഡ് നല്‍കിയശേഷം ഒരു സ്വകാര്യം പറഞ്ഞു ... " ഇന്ന് എന്‍റെ ജന്മദിനമാണ് ..." അമ്മ ഒരു പുസ്തകം വാങ്ങി തന്നിട്ടുണ്ട് സ്കൂളില്‍ തരാന്‍ .....അസംബ്ലിയില്‍ വച്ച് പുസ്തകം അവന്‍ അവന്‍റെ ടീച്ചറിന് കൈമാറി ....ഒരു കഥാപുസ്തകം ... " മുയലിന്‍റെ ബുദ്ധി .... മുതിര്‍ന്ന കൂട്ടുകാര്‍ കൈയടിച്ചും പാട്ട് പാടിയും ഷിജിന് ആശംസകള്‍ നേര്‍ന്നു ....
വെളിച്ചം 2016 

     രണ്ടാം തരത്തിലെ കൂട്ടുകാര്‍ക്ക് വേണ്ടി ഡയറ്റ് തയ്യാറാക്കിയ വെളിച്ചം 2016 പരിപാടിയുമായി ബന്ധപ്പെട്ട വായനാ കാര്‍ഡുകള്‍ സ്കൂളിലെത്തി . കൂട്ടുകാര്‍ സന്തോഷപൂര്‍വമാണ് അതു ഏറ്റു വാങ്ങിയത് ... എന്ന് വായിക്കാന്‍ തരുമെന്ന അന്വേഷണം അവര്‍ അധ്യാപകരോട് നടത്തുന്നത് കാണാമായിരുന്നു ....