Saturday 12 December 2015

പഠന പ്രവര്‍ത്തനങ്ങള്‍

കൂട്ടുകാരുടെ സൃഷ്ട്ടികള്‍ 


      രണ്ടാം തരത്തിലെ കൂട്ടുകാര്‍ ശില്പങ്ങള്‍ ഉണ്ടാക്കാനും മിടുക്കരാണ് ... അവരുടെ കഴിവുകള്‍ അറിയുന്ന ടീച്ചര്‍ ചൈനാക്ലേ ഉപയോഗിച്ച് രൂപങ്ങളുണ്ടാക്കാന്‍ അവസരമൊരുക്കി ... രൂപങ്ങളുണ്ടാക്കി അവര്‍ അത് വെള്ള പേപ്പറില്‍ നിരത്തി വച്ചു... വിവിധ ജീവികള്‍ അവരുടെ കൈ വിരുതിലൂടെ ജീവന്‍ വച്ചു....

ടീച്ചറിന് കസേര വേണ്ട....


   വെളിച്ചം വായനാ കാര്‍ഡുകളുമായി ബന്ധപ്പെട്ട പ്രവര്‍ത്തനങ്ങള്‍ ചെയ്യുന്ന കൂട്ടുകാരോടൊപ്പം പ്രീതാരാജ് ടീച്ചര്‍ തറയില്‍ ഇരുന്നു ...വായനാ കാര്‍ഡുകളിലെ പ്രവര്‍ത്തനത്തില്‍ ഒരു സജീവ പങ്കാളിയായി .... അതു അവരില്‍ ആവേശം നിറച്ചു ...

ശലഭ മരം 


മൂന്നാം ക്ലാസ്സിലെ പരിസരപഠനം പുസ്തകത്തില്‍ ചിത്രശലഭങ്ങളുമായി ബന്ധപ്പെട്ട ഒരു പാഠമുണ്ട് . ആ പാഠവുമായി ബന്ധമുള്ള ഒട്ടേറെ പ്രവര്‍ത്തനങ്ങള്‍ കൂട്ടുകാര്‍ക്ക് നല്‍കി .  അതില്‍ വീഡിയോ പ്രദര്‍ശനം , ശലഭ പാട്ടുകള്‍ , ശലഭ കാര്‍ഡുകള്‍ നിര്‍മ്മാണം , ശലഭ നിര്‍മ്മാണം , ശലഭ ആല്‍ബം , ചിത്രങ്ങള്‍ ശേഖരിക്കല്‍ എന്നിവയൊക്കെ നടന്നു . കൂട്ടത്തില്‍ ശലഭമരവും കൂട്ടുകാര്‍ നിര്‍മ്മിച്ചു ...



 മനോഹരമായ ശലഭ മരം ഏവരെയും ആകര്‍ഷിക്കുന്നതായിരുന്നു .

ഫിന്‍ഗര്‍ ടിപ്പ് പ്രവര്‍ത്തനങ്ങള്‍ 


  നിറമുള്ള പൂക്കള്‍ ... വിവിധ തരത്തില്‍ നിര്‍മ്മിക്കാന്‍ അവര്‍ക്ക് ഇപ്പോള്‍ കഴിയുന്നു ... അതിനു അവരെ പ്രാപ്തരാക്കിയത് ബി ആര്‍ സി യില്‍ നിന്നും എത്തിയ ഷീബ ടീച്ചറിന്റെയും സന്ധ്യ ടീച്ചറിന്റെയും നേതൃത്വത്തിലുള്ള ടീം നല്‍കിയ പരിശീലനമാണ് . കൂട്ടുകാര്‍ ഗ്രൂപ്പുകളായി ഈ പരിശീലനത്തില്‍ പങ്കെടുത്തു .... ആവേശകരമായിരുന്നു ആ അനുഭവം 

No comments:

Post a Comment